Mario Annoni

Carriera professiunala

Mario Annoni ha studegià scienzas politicas e giurisprudenza a las Universitads da Losanna e Genevra ed acquistà sia patenta d'advocat a l'Universitad da Berna. Suenter ch'el è stà president da la dretgira regiunala da La Neuveville, Courtelary e Moutier, è el vegnì elegì il 1990 en la regenza dal chantun da Berna, nua ch'el ha manà dal 1990 fin il 1998 il Departament da giustia, da vischnancas e baselgias e dal 1998 fin il 2006 il Departament d'educaziun. Dal 2006 fin il 2013 ha el presidià la Fundaziun svizra per la cultura Pro Helvetia. Actualmain maina Mario Annoni il project «Avenir Berne romande».

Mandats

Stiftung Istituto Svizzero di Roma e Milano, Rom/Mailand (president dal cussegl da fundaziun); Société des Forces Electriques de La Goule SA, Saint-Imier (president); Ecole de musique du Jura bernois, Saint-Imier (president); Abegg-Stiftung, Riggisberg (cussegl da fundaziun); Stiftung Rebhaus Wingreis, Twann (president dal cussegl da fundaziun); Stiftung Rebbau-Museum Hof am Bielersee, Ligerz (president dal cussegl da fundaziun); Société des Forces Motrices du Châtelot SA, Les Planchettes (cussegl d'administraziun).