Marc Furrer

Copyright: SRG SSR

Commember dal cussegl d'administraziun da la SSR

en il cussegl d'administraziun dapi il 2018,

naschì il 1951 en Svizra

Carriera

Suenter avair fatg ses licenziat da giurisprudenza a Berna ed acquistà sia patenta d'advocat e da notar a Soloturn ha Marc Furrer cumenzà sia carriera tar la SSR: il 1987 è el daventà redactur naziunal da Radio DRS, silsuenter ha el lavurà là tschintg onns sco correspundent da la Chasa federala. Tranter il 1988 ed il 1992 è el stà cussegliader persunal da cusseglier federal Adolf Ogi. Dal 1992 fin il 2005 è el stà l'emprim directur dal nov Uffizi federal da communicaziun (UFCOM) e dal 2005 fin il 2016 president da la Cumissiun federala da communicaziun (ComCom). Marc Furrer ha gì differentas funcziuns ed incumbensas en il sport svizzer. Dal 1998 fin il 2005 ha el presidià la Federaziun svizra da rembladers, dal 2007 fin il 2017 la Liga naziunala da hockey sin glatsch e dal 2012 fin il 2017 la Federaziun svizra da hockey sin glatsch. Dapi il 1. da schaner 2020 è el partenari da la chanzlia Burkhalter Rechtsanwälte a Berna e Turitg e dapi il matg 2021 presidiescha el il cussegl d'administraziun da l'interpresa da telecommunicaziun Salt.

Mandats

Salt Mobile SA, Renens (president dal cussegl d'administraziun); Positive Technologies Holding AG, Zug (president dal cussegl d'administraziun); Burkhalter Rechtsanwälte AG, Turitg (commember dal cussegl d'administraziun), Cetratus AG, Steinhausen (commember dal cussegl d'administraziun).