Luigi Pedrazzini

Carriera professiunala

Luigi Pedrazzini ha terminà il 1977 ses studi da giurisprudenza a l'Universitad da Turitg. Il 1992 ha el acquistà la patenta d'advocat. Dal 1977 fin il 1983 è el stà schefredactur da la gasetta quotidiana tessinaisa «Popolo e Libertà», lura ha el midà plazza e cumenzà a lavurar tar la Società Elettrica Sopracenerina SA a Locarno, nua ch'el ha surpiglià il 1986 la funcziun dal president da la direcziun. Il 1999 è Luigi Pedrazzini vegnì elegì en la regenza dal chantun Tessin. Fin il 2011 è el stà schef dal Departament da giustia, segirezza e da l'intern. Dal 2001 fin il 2005 ha Luigi Pedrazzini presidià la Conferenza da las regenzas chantunalas. Dapi sia demissiun sco cusseglier guvernativ lavura el sco advocat a Locarno.

Mandats

Festival dal film Locarno (Cussegl d'administraziun); Fondazione Valle Bavona, Cavergno (cussegl da fundaziun); Fondazione il Gabbiano, Lugano (vicepresident dal cussegl da fundaziun); Unfrenda da curaisma, Lucerna (cussegl da fundaziun); Fondazione Parvulo Mater – Casa del Sorriso, Chiasso (cussegl da fundaziun); Fondazione Monsignore Vincenzo Molo, Lugano (cussegl da fundaziunt); Fondazione Chiesa dell’Assunta, Locarno (president dal cussegl da fundaziun).