Nathalie Wappler

Carriera professiunala

Nathalie Wappler ha studegià istorgia, politica e germanistica a l'Universitad da Constanza. Studis a l'exteriur han manà ella a l'Universitad da Bristol en la Gronda Britannia ed a l'Universitad da Stanford en la California. Sia carriera professiunala ha Nathalie Wappler cumenzà sco redactura da 3sat («Kulturzeit»), silsuenter ha ella lavurà per ils emetturs ARD/WDR («Joachim Gauck») e ZDF («aspekte», «Maybrit Illner»). Il 2005 ha la Televisiun svizra tschernì Nathalie Wappler sco redactura dal «Kulturplatz», il 2008 è ella daventada manadra da redacziun da l'emissiun «Sternstunden» ed il 2011 ha ella surpiglià la partiziun da cultura. Sco manadra da la cultura ha ella reunì las redacziuns da televisiun, radio ed online, ha modernisà il radio SRF 2 Kultur ed ha sviluppà novas strategias per films e serias. L'onn 2016 è Nathalie Wappler daventada directura da program da l'emettur MDR, nua ch'ella è stada responsabla per ils secturs cultura, giuventetgna, furmaziun e savida dal program da televisiun, radio ed online sco era per ils ensembles da musica dal MDR. Il mars 2019 è ella returnada tar la SSR sco directura.

Mandats

Mediapulse AG (cussegl d'administraziun); Fundaziun Patrimoni cultural SRF (presidenta dal cussegl da fundaziun)