La sedia principala è sutdividida en tschintg unitads d’interpresa: Schweizer Radio und Fernsehen (SRF), Radio Télévision Suisse (RTS), Radiotelevisione svizzera (RSI), Radiotelevisiun Svizra Rumantscha (RTR) e Swissinfo.

Swissinfo derasa a basa da la concessiun da la SSR e d’ina cunvegna da prestaziuns cun la Confederaziun svizra in’offerta publicistica per l’exteriur che consista d’in servetsch online pluriling.

Las directuras ed ils directurs da las unitads d’interpresa furman ensemen cun il directur general, il directur operaziuns ed il directur dal sectur da finanzas il comité directiv da la SSR.