La lescha da radio e televisiun revedida (LRTV) impona a la SSR novas obligaziuns legalas per elavurar emissiuns da televisiun adattadas als basegns da persunas cun impediments. La SSR ha perquai elavurà en collavuraziun cun las organisaziuns per persunas cun impediments (vesair colliaziuns a dretga) ina cunvegna per realisar il pli svelt pussaivel las prescripziuns en favur da l’integraziun communicativa da las persunas impedidas da vesida e d’udida. Sustegnidas duain ellas vegnir cun suttitels, lingua da segns e cun la descripziun auditiva.

• Suttitels: Dapi il 2010 èn disponibels per regla tranter las 19.00 e las 22.00 (primetime) suttitels per l’entir program sco era per tut las occurrenzas emessas en directa la fin d’emna a partir da mezdi. Dapi la fin dal 2009 èn disponibels suttitels per in terz da las emissiuns da mintga regiun linguistica.
• Lingua da segns: SRF, RTS e RSI emettan mintga di dapi il schaner 2008 in’ediziun da la «Tagesschau» cun la lingua da segns.
• Descripziun auditiva: Grazia a la descripziun auditiva – ina descripziun acustica cuntinuada dal film – pon persunas impedidas da vesida seguir l’istorgia. L’onn 2010 devi gia 24 producziuns en mintga regiun linguistica.

• Untertitelung.ch
• Forom écoute - la fondation romande des malentendants
• Pro Audito Schweiz
• Schweizerischer Gehörlosenbund (SGB)
• Schweizerischer Verband für Gehörlosen- und Hörgeschädigten-Organisationen (Sonos)
• Schweizerischer Blinden- und Sehbehindertenverband (SBV)
• Schweizerischer Zentralverein für das Blindenwesen (SZB)
• Schweizerische Vereinigung der Eltern hörgeschädigter Kinder (SVEHK)