SRG SSR

Smart TV (HbbTV)

Smart TV (HbbTV)

Tge è Smart TV (HbbTV)?

La televisiun ibrida, Smart TV, Connected TV, Net-TV ubain HbbTV – da princip vai tar tut questas tecnologias per la fusiun da la televisiun convenziunala cun il mund infinit da l'internet. Sche Vus cumprais ina nova televisiun, la pudais Vus pli probabel era colliar cun l'internet: ultra da la spina da contact per l'antenna dispona la televisiun era d'in attatg da LAN u WLAN. La spierta da servetschs po però esser differenta tar mintga apparat.

Per unifitgar il diever, la qualitad e las funcziuns tecnicas han ils producents da televisiuns, ils purschiders da programs ed ils spezialists da software creà l'iniziativa da HbbTV (www.hbbtv.org). Questa organisaziun determinescha las directivas unitaras e las normas tecnicas necessarias per che mintga televisiun adattada per HbbTV funcziuneschia per finir era. HbbTV stat per Hybrid broadcast broadband TV, damai per ina colliaziun dal radio (broadcast) e dals servetschs online (broadband). La SRG SSR fa medemamain part da questa organisaziun e porscha per quest motiv il standard da HbbTV en sia offerta da Smart TV.

HbbTV permetta a Vus in access simpel e svelt ad in nov mund d'infurmaziuns cun Vossa televisiun. Vus pudais per exempel dumandar giu infurmaziuns supplementaras davart in'emissiun actuala u participar activamain a quella via televoting. Cun tschentar en la televisiun ubain midar program, As renda ina curta inserziun attent che talas infurmaziuns supplementaras èn disponiblas via il buttun cotschen.

Ulteriuras infurmaziuns davart il tema Smart TV (HbbTV) chattais Vus sut www.broadcast.ch (il cuntegn è disponibel per gronda part per tudestg).

 

 

RSIRTRRTSSRFSWI