Schweizer Radio und Fernsehen (SRF) mantegna l’emprima posiziun al martgà da televisiun. La vasta purschida da SRF cumpiglia trais emetturs da televisiun, ina plattafurma d’internet, ina plattafurma mobila ed il teletext. L’incumbensa culturala ademplescha SRF per part era sco partenaria da 3sat. SRF programmescha las purschidas sin tut las trais plattafurmas a moda coerenta e cumplementara.

• SRF 1: La purschida infurmativa, divertenta e culturala d’auta qualitad cun numerusas atgnas producziuns reflectescha la realitad cumplexa da la Svizra cun ses spazis da cultura multifars.
  
  
• SRF zwei: Il program dat bler spazi al sport, als films dramatics ed a las serias e sa drizza plitost ad in public pli giuven. 
  
  
• SRF info: Grazia a las repetiziuns permanentas sin l’emettur da servetschs po il public decider sez, cura ch'el vul utilisar ils formats da novitads actuals (infurmaziuns, sport e cultura).