Dapi il 1938 è renconuschì il rumantsch sco quarta lingua naziunala e dapi l'onn 1996 sco lingua parzialmain uffiziala da la Confederaziun. Oz chapeschan en Svizra passa 100'000 persunas rumantsch, per 40'000 èsi la lingua materna. Betg tuts na vivan dentant en il chantun Grischun.

Grazia a la Radiotelevisiun Svizra Rumantscha (RTR) vegnan provedidas las Rumantschas ed ils Rumantschs en tut la Svizra cun actualitads, e quai cun las emissiuns:

•  Telesguard, adina da glindesdi fin venderdi a las 17.40 en il program da SF 1 (repetiziun tranter las 18.00 e las 19.00 ed a las 22.00 sin SF info)
  
  
• Minisguard, il magazin d’infurmaziun per uffants, adina la sonda a las 17.40 en il program da SF 1 (repetiziun la sonda a las 18.00 ed a las 19.05 sin SF info e la dumengia a las 17.15 sin SF 1)
  
  

• Cuntrasts, l’emissiun da magazin a las 17.25, medemamain sin SF