A partir dals 29 da favrer 2012 emetta la SSR ils sis programs da televisiun SF 1, SF zwei, RSI LA 1, RSI LA 2, TSR 1 e TSR 2 en qualitad da HD. Ils programs da HD da la SSR vegnan emess via satellit ed en Svizra praticamain via tut las raits da cabel e da telefon. As infurmai tar Voss commerziant spezialisà u tar Voss purschider da cabel u da  telefon co retschaiver ils programs da HD.

HDTV stat per «High Definition Television» u per televisiun ad auta definiziun. Cumpareglià cun la televisiun da standard permetta HDTV ina definiziun dal monitur fin a tschintg giadas pli auta. Ils maletgs televisivs èn qua tras bler pli precis e las colurs pli brigliantas. Ultra dal tun da stereo usità pon ins giudair er il tun surround digital – sco en il kino!

L’emettur da test e da promoziun HD suisse era vegnì mess giu ils 31 da schaner 2012. HD suisse ha ademplì sia incumbensa sco vitrina per gronds events en directa e per las atgnas producziuns da HD che vegnan adina pli numerusas or da tut las quatter regiuns linguisticas da la Svizra. Fin almain l’onn 2015 vegnan ils programs emess parallelamain sco producziuns da HD e da standard. Uschia resta avunda temp per sa reorganisar.

Ulteriuras infurmaziuns davart il tema HDTV chattais Vus era sut www.hdtv-forum.ch.