La SSR fa annualmain ina svieuta da var 1,6 mia. francs. 70 pertschient da las entradas da la SSR derivan da las taxas da recepziun per radio e televisiun e 30 pertschient dad entradas commerzialas e dad ulteriurs retgavs.

Entradas da reclama

Il trend positiv en la branscha da reclama ha cuntinuà. Suenter che las entradas da reclama han registrà gia l'onn precedent in svilup positiv (+28,6 miu. francs), las han ins pudì augmentar quest onn per 14,5 miu. francs.

Las contribuziuns cumpigliadas en l'ulteriur retgav (per gronda part subvenziuns da la Confederaziun per programs ed emissiuns sin plaun internaziunal) mussan en cumparaziun cun l'onn precedent in lev augment da 0,7 miu. francs (onn precedent –0,4 miu. francs).

Las entradas per prestaziuns da servetsch èn sa sminuidas per 3,3 miu. francs (onn precedent +2,5 miu. francs). Entant ch'èn s'augmentadas las entradas da las locaziuns da surfatschas libras a terzas persunas (+2,7 miu. francs), n'han ins betg pudì mantegnair las entradas da l'assistenza tecnica (–2,3 miu. francs) e da las ulteriuras prestaziuns da program (–3,8 miu. francs) sin il nivel da l'onn precedent. 

Malgrà il gudogn resultà da la vendita d'immobiglias a Cuira (+1,4 miu. francs) mussan las autras entradas da manaschi ina sminuziun da 4,9 miu. francs (onn precedent +3,1 miu. francs). Quai è d'attribuir al fatg che la vendita da dretgs sin il sectur da la perscrutaziun dal martgà da l'onn passà ha gì in effect singular (onn precedent +5,3 miu. francs) e che las entradas da SatAccess han muntà a 0,5 miu. francs damain che l'onn precedent.

Zahlen in Kürze 2011

Geschäftsbericht SRG SSR 2011