World Radio Switzerland (WRS) è in program da radio en lingua englaisa ch’ins po retschaiver en l’entira Svizra. El porta infurmaziuns da fatgs mundials e da quai che dat da discurrer en Svizra. Sia fermezza è da transmetter il pli impurtant a moda curta e pregnanta.

WRS sa drizza ad audituras ed auditurs da lingua materna englaisa, a talas e tals che taidlan gugent emissiuns en englais, a persunas che han da far cun l'englais en lur professiun u che emprendan englais e vulan trenar lur chapientscha linguistica en in ambient real. Pledentada vegn surtut ina populaziun che viva en aglomeraziuns urbanas ed en centers turistics.