Schweizer Radio und Fernsehen (SRF) ha trais studios principals a Basilea, Berna e Turitg ed offra sis programs radio:

• Radio SRF 1 cun infurmaziuns actualas ed approfundidas, prestaziuns da servetsch e divertiment. Sis schurnals regiunals rapportan regularmain da las regiuns.
  
  
• Radio SRF 2 Kultur porscha in spectrum da la musica classica al jazz, da la cultura a la scienza, da l'economia a la politica, dal spiert dal temp a la filosofia.
  
  
• Radio SRF 3 è il radio da pop e d'infurmaziun il pli impurtant da la Svizra tudestga e spezialist per transmissiuns directas da concerts.
  
  
• Radio SRF 4 News è il program d’info da 24 uras cun novitads actualas ed infurmaziuns detagliadas davart la politica, l’economia, la scienza, la cultura, la societad ed il sport.
  
  
• Radio SRF Musikwelle emetta musica tradiziunala da tut las spartas. Novitads ed emissiuns da DRS 1 cumpletteschan il program.
  
  
• Radio SRF Virus è il radio da la generaziun da multimedia, cun in tun ed in tempo giuvenil.