Radiotelevisione svizzera (RSI) sa drizza a las var 650'000 persunas che discurran talian en Svizra - da la vart dal sid, dentant er al nord da las Alps. RSI porscha trais programs:

• Rete Uno sa deditgescha surtut a l'actualitad ed a la reportascha. Ultra da quai offra Rete Uno er emissiuns da divertiment, da servetsch e d'accumpagnament e musica leva che plascha a tuts. 
  
  
• Tar Rete Due stattan en il center emissuins da furmaziun ed emissiuns cun infurmaziuns detagliadas. Musica classica, jazz, musica da l'entir mund e novitads cumpletteschan il program. 
  
  
• Rete Tre emetta musica da rock e da pop per ils giuvens. L'interess per il svilup il pli nov, la moderaziun lucca ed il stretg contact cun il public èn ils segns caracteristics dal terz program da RSI.