Aktuelle Position
Alarm da sirenas Icaro
Icaro (Information Catastrophe Alarme Radio Organisation) è l'offerta d'infurmaziun da la SSR en cas da crisa e da catastrofa e tar eveniments extraordinaris senza caracter da catastrofa (senza alarm da sirenas).
Dapi il 1. da schaner 2004 datti anc dus segns d’alarm:
Alarm general: in tun d’ina minuta che crescha e chala, suenter ina pausa da duas minutas vegn il segn repetì. Sche las sirenas resunan ordaifer il test da sirenas annunzià, duessas Vus en cas d’in alarm general
- tadlar radio (Schweizer Radio DRS)
- suandar las instrucziuns da las autoritads
- infurmar Voss vischins
Alarma d’aua: en vischinanza da mirs da fermada, v.d. per quellas regiuns che pudessan vegnir inundadas entaifer duas uras, sch’il mir da fermada rumpa. En intervals da 10 secundas vegnan derasads 12 tuns bass che duran adina ventg secundas. Avant l’alarm d’aua vegn adina dà a temps l’alarm general. En cas d’in alarm d’aua duessas Vus
- bandunar immediat la regiun periclitada
- resguardar las instrucziuns u ils fegls d’infurmaziun locals
Infurmaziuns davart l’alarm da sirenas ed instrucziuns co sa cumportar chatt’ins
- sin las davosas paginas dals cudeschs da telefon
- en l’internet sut www.bevoelkerungsschutz.ch
- en il teletext sin pagina 662
Vus intervegnis via radio u da las autoritads localas, cura che las mesiras da proteziun èn vegnidas schluccadas u cura ch'il privel è passà.
