La SSR porscha 18 programs da radio:

• sis programs da lingua tudestga da Schweizer Radio und Fernsehen (SRF)
• quatter programs franzos da Radio Télévision Suisse (RTS)
• trais programs talians da Radiotelevisione svizzera (RSI)
• in program rumantsch da Radiotelevisiun Svizra Rumantscha (RTR)
• trais programs da musica da Swiss Satellite Radio (SSatR)
• l’emettur da lingua englaisa «World Radio Switzerland» (WRS) che po vegnir retschavì en l’entira Svizra

Datas d'utilisaziun dal radio

Nov da diesch persunas taidlan mintga di radio. A chasa, en l'auto, al plaz da lavur u en in restaurant: radio taidl'ins dapertut e quai en media duas uras al di. Il pli savens ed il pli ditg vegn tadlada la SSR cun ses programs. Ella maina il martgà cleramain en tut las regiuns linguisticas. Tut tenor regiun concurrenzescha la SSR dapli cun offriders da program indigens u esters.

• Ina posiziun marcanta ha la SSR en Svizra taliana cun ina part ad 84% al martgà (1). Sch'ella vegn concurrenzada qua, lura da programs esters.
• En Svizra tudestga munta la part al martgà dals programs dad la SSR a 66%. Els survegnan concurrenza surtut da radios privats indigens.
• En Suisse romande, nua che la part al martgà importa 67%, concurrenzescha la SSR tant cun radios privats indigens sco cun radios da l'exteriur.
• En Svizra rumantscha èn ils programs da la SSR francads bain cun ina part al martgà dad 80%. Concurrenza als fan là surtut ils radios privats indigens.

(1) Numerus offriders emprovan da survegnir l'attenziun dal public sin in martgà pli e pli dir. L'uschenumnada part al martgà inditgescha la part da l'utilisaziun da radio totala dal program respectiv.