SRG SSR

Protecziun da datas

Protecziun da datas

Infurmaziun davart il buttun "Gugent" da Facebook

Sin nossa pagina d'internet vegn utilisà il buttun "Gugent" da Facebook. Sche Vus essas commember da Facebook, pudais Vus crear sin Voss profil da Facebook a maun da quest buttun ina colliaziun cun la pagina d'internet da la SSR per mussar che Vus avais gugent nossa pagina d'internet.

Facebook vegn gestiunà da l'interpresa Facebook Incorporated (Facebook Inc.) che ha sia sedia en l'USA. Sche Vus utilisais ina pagina d'internet cun in buttun "Gugent", As collia Voss navigatur directamain cun ils servers da la Facebook Inc. La Facebook Inc.ha lura la pussaivladad da vesair Vossas datas d'utilisader e surtut da las memorisar. Sche Vus essas commember da Facebook, po la Facebook Inc. en pli attribuir las datas d'utilisader a Voss profil.

Noss buttun "Gugent" da Facebook è normalmain deactivà per evitar la transmissiun automatica da Vossas datas d'utilisader a la Facebook Inc. durant che Vus essas sin nossa pagina d'internet. Uschè ditg che Vus n'activais betg il buttun "Gugent", na vegnan Vossas datas d'utilisader era betg transmessas. Pir cura che Vus activais il buttun "Gugent" cun in clic, vegnis Vus colliads cun ils servers da la Facebook Inc.

Cura che Vus activais il buttun "Gugent", n'avain nus nagin'influenza pli sin Vossas datas d'utilisader che la Facebook Inc. rimna davart Vus. Dapli infurmaziuns davart l'intent, la dimensiun e la maniera da l'elavuraziun da las datas rimnadas chattais Vus en las directivas davart l'utilisaziun da datas da Facebook (http://www.facebook.com/about/privacy/).

Stadi: zercladur 2012

RSIRTRRTSSRFSWI