SRG SSR

Radio online

Radio online

Las websites da las unitads d’interpresa da la SSR infurmeschan davart ils programs e cumpletteschan quels.

www.srf.ch

www.srf.ch accumpogna la purschida da programs da Schweizer Radio und Fernsehen (SRF) e metta a disposiziun ina vasta paletta da servetschs. Cun Radio on Demand e la purschida Podcast pon ins tadlar bleras emissiuns durant pliras emnas u schizunt durant plirs mais. Cussegls spezials or da tut ils programs, dossiers tematics davart la musica, la scienza e la cultura sco era novitads actualas, infurmaziuns davart l’aura e davart la situaziun dal traffic, news dal sport ed infurmaziuns specificas davart las emissiuns per uffants cumpletteschan la purschida.

www.rts.ch

www.rts.ch derasa las emissiuns da RadioTélévision Suisse (RTS) en directa e garantescha da pudair tadlar ellas durant in mais. Sin la pagina www.rts.ch/info datti online novitads curtas, bulletins da novitads e previsiuns da l'aura. Ina glista detagliada dal cuntegn da las emissiuns cul ils nums dals giasts en il studio, ils titels dals cudeschs ed indicaziuns davart discs e cudeschs gida a chattar ulteriuras infurmaziuns da e davart las emissiuns.

www.rsi.ch

www.rsi.ch, la pagina d'internet da Radiotelevisione svizzera (RSI), infurmescha il public davart ils programs da radio e televisiun. En pli metta ella a disposiziun offertas en ils secturs audio e video sin giavisch en furma d'emissiuns d'infurmaziun u rubricas. Cun sites tematicas producidas aposta vegnan mess a disposiziun ils archivs da RSI.

www.rtr.ch

www.rtr.ch è la pagina d'internet che cumplettescha ils programs da radio e televisiun da Radiotelevisiun Svizra Rumantscha (RTR). L'offerta online vegn cumplettada cuntinuadamain tenor la strategia da la valur agiuntada. Dapi l'entschatta dal 2005 stattan p.ex. a disposiziun tut las emissiuns d'infurmaziun dal Radio Rumantsch (RR) e da la Televisiun Rumantscha (TR) sco contribuziuns da tun e da video.

RSIRTRRTSSRFSWI