SRG SSR

  • DE
  • FR
  • IT
  • RM
  • EN
Radiotour 2009: «idée suisse» sin viadi d'exploraziun

Communicaziun da pressa

17.07.2009

Radiotour 2009: «idée suisse» sin viadi d'exploraziun

«Vision Schweiz. Vision Suisse. Visione Svizzera. Visiun Svizra.» è il tema da la tura da radio da quest onn. Il project interregiunal dals quatter emprims programs da radio da la SRG SSR idée suisse tschertga en tut las parts dal pajais ideas novas ed innovaziuns. I dat er ina u l'autra egliada en l'avegnir. Il resultat è d'udir dals 28 da fanadur fin il 1. d'avust sin Radio Rumantsch, Schweizer Radio DRS 1, RSR La Première e RSI Rete Uno.

Per la retscha d'emissiuns «Vision Schweiz. Vision Suisse. Visione Svizzera. Visiun Svizra.» han collavuraturs dals quatter emprims programs da radio da la SRG SSR furmà in'atgna redacziun quadrilingua. Lur retschertga als maina en tut las regiuns da la Svizra, en lieus particulars e tar persunas visiunaras.

«Swissness» sco fil cotschen

A Zug gira tut enturn la lavur en in ambient internaziunal. Ina firma da tradiziun da la Svizra Centrala fa surstar cun ina invenziun raffinada, numnadamain ina maschina da lavar giu cun ina funcziun da raclette, la quala sa schizunt rumantsch. Betg main innovativa è ina giuvna interpresa dals Stadis Unids da l'America che ha sviluppà ina metoda per producir da cellas vivas pel per far transplantaziuns en cas da plajas avertas!

La mobilitad ed ils spazis da viver vegnan examinads a Losanna. Analisada vegn oravant tut l'influenza da la metro sin il mintgadi, l'economia ed ils umans. Grazia a l'extensiun da la rait da traffic para la citad da Losanna dad esser daventada economicamain uschè ferma ch'ella pudess prest valair sco il «Turitg da la Svizra romanda». 

A Lugano stat la perscrutaziun universitara en il center, per exempel il Centro Svizzero di Calcolo Scientifico (CSCS): sin decret dal Cussegl federal vegn construì in nov supercalcula-tur. Quel vegn a star a disposiziun sco center da cumpetenza naziunal a tut las scolas autas svizras e vegn a prestar lavurs da calculaziun per l'economia.

La natira e la sanadad, spezialmain la medischina da muntogna, vegnan prendidas sut la marella a Samedan. I vegn empruvà da respunder a dumondas cumplexas, per exempel co che l'autezza influenzescha il bainstar da l'uman u tge effects che sportists da cundi-ziun pon spetgar durant in trenament en l'autezza.

Da la visiun a la realitad

L'«idée suisse» vegn vivida en il mintgadi dals programs da radio da la SRG SSR. Il project interregiunal «Radiotour» vegn quest onn gia realisà per la sisavla giada. Redacturas e redacturs ed il persunal tecnic da tut las regiuns linguisticas collavuran intensivamain e barattan lur know-how e lur experientschas. La cooperaziun interculturala sur ils cunfins linguistics e sur las barrieras da pensar ora pussibilitescha emissiuns multifaras e genere-scha aspects surprendents. Uschia vegn la Svizra savens scuverta da nov.

SRG SSR idée suisse, communicaziun da l'interpresa

Infurmaziuns davart il project: www.radiotour.ch

Telechargiar il maletg: www.radiotour.ch/medias

Ulteriur scleriment dat: Niculin Bezzola, manader da project SRG SSR idée suisse, tel. 079 686 49 92, niculin.bezzola(at)rtr.ch

RSIRTRRTSSRFSWI