SRG SSR

Dieta naziunala 2013

Dieta naziunala 2013

Reclamas e taxas: la furmla magica dal service public?

La segunda Dieta naziunala da la SSR che ha gì lieu ils 27 da settember 2013 a Montreux ha la societad regiunala RTSR organisà. En la citadina pittoresca al Lai da Genevra èn sa scuntrads represchentants e represchentantas da tut las quatter regiuns linguisticas per sclerir communablamain cun experts da la branscha dad uschè blers puncts da vista sco pussaivel la suandanta dumonda: È il mix da reclamas e taxas la furmla magica per finanziar il service public?

Producir ed emetter programs equivalents sin emetturs da radio e televisiun en las quatter linguas naziunalas en l'entira Svizra e gestiunar plattafurmas interactivas: per questa incumbensa ha la SSR a disposiziun in preventiv annual dad 1,6 milliardas francs. Ma danunder vegnan quests meds finanzials? È il model commerzial actual er anc applitgabel en l'avegnir? E co finanzieschan noss pajais vischins atgnamain las medias dal service public? Pon ins considerar las reclamas en l'internet sco nova funtauna d'entradas? Co fan ins reclama en insaquants onns? Tge model pudess ins duvrar en l'avegnir per finanziar las medias dal service public? Cun plattafurmas e pussaivladads dal tuttafatg novas resultan era novas dumondas.

Experts renconuschids da differents champs èn vegnids ensemen a Montreux per sclerir il tema da tuttas varts e per respunder communablamain a dumondas impurtantas. Sin questa pagina As mettain nus a disposiziun il rapport da la dieta, ina galaria da maletgs e preschentain ils referents.

RSIRTRRTSSRFSWI