La Swiss TXT offra di e notg infurmaziuns curtas en pliras linguas via Teletext, internet e chanals mobils, ella furnescha novitads a plirs portals d'internet svizzers e porscha servetschs d'infurmaziun da SMS a Swisscom, Orange e Sunrise. En il champ da fatschenta Multimedia Solutions concepescha, sviluppa ed offra la Swiss TXT a ses clients soluziuns individualas da web, mobile e content. En pli fa la Swiss TXT suttitels per persunas impedidas d'udida e per tut quels che na san betg bain avunda la lingua da l'emissiun.