Publisuisse è la commerzialisanta principala da medias electronicas en Svizra. Sco partenaria da la SSR commerzialisescha Publisuisse exclusivamain las purschidas publicisticas da quella.

Publisuisse contribuescha var in sisavel a las entradas totalas da la SSR. Il portfolio da Publisuisse cumpiglia ils programs da televisiun e da radio da la SSR ch'èn en Svizra a la testa dal martgà, sco er ils programs da Tele Regio Combi, da Tele Romandie Combi e da Swiss TXT. Uschia porscha Publisuisse a l'industria da la reclama svizra pussaivladads cumplessivas en ils secturs da la reclama da televisiun, da la sponsurisaziun da televisiun e da radio, da la reclama da teletext e da la Cross Communication.

Sco commerzialisanta la pli impurtanta en il sectur da las medias electronicas definescha Publisuisse ils standards areguard la cumpetenza da cussegliaziun e da planisaziun ed areguard la realisaziun e la perscrutaziun. L'interpresa occupa var 120 collavuraturas e collavuraturs.