SRG SSR

Luigi Pedrazzini

Luigi Pedrazzini

Commember dal cussegl d'administraziun da la SSR e president da la Corsi

SRG SSR / Marcel Grubenmann

Commember dal cussegl d'administraziun dapi il 2012

Il 1977 ha Luigi Pedrazzini terminà ses studi da dretg a l'Universitad da Turitg. Il 1992 ha el acquistà la patenta d'advocat. Dal 1977 fin il 1983 è el stà chauredactur da la gasetta quotidiana tessinaisa «Popolo e Libertà». Il 1983 ha el midà plazza e cumenzà a lavurar tar la «Società Elettrica Sopracenerina SA» a Locarno, nua ch'el ha surpiglià il 1986 la funcziun dal president da la direcziun. Il 1999 è Luigi Pedrazzini vegnì elegì en il cussegl da stadi dal chantun Tessin – fin il 2011 è el stà il president dal departament da giustia, segirezza e da l'intern. Tranter il 2001 ed il 2005 ha Luigi Pedrazzini presidià la Conferenza da las regenzas chantunalas. Dapi sia demissiun sco cusseglier guvernativ è el advocat en il Studio Legale BMA a Locarno.

Mandats: Edy Toscano Engineering & Consulting, Turitg; GSMN Ticino SA, Sorengo; Limmat Wealth SA, Turitg; Filmfestival ­Locarno; fundaziuns: Valle Bavone, Il Gabbiano, Orchestra della Svizzera italiana (OSI), Ricerca Neurologica, Fastenopfer (Unfrenda da Curaisma).

RSIRTRRTSSRFSWI