Commembra dal cussegl d'administraziun dapi il 2008

Lucy Küng ha doctorà ed è sa habilitada en la partiziun da l'economia da manaschi da l'Universitad da Son Gagl. Sias cumpetenzas-clav èn il svilup da strategias, la perscrutaziun da la creativitad, las midadas culturalas ed ils process da transfurmaziun. Ella docescha «Leadership in Creative Industries» a l'Ashridge Management Institut en l’Engalterra ed è plinavant professura per management da medias a l’Universitad da Jönköping en Svezia. Ultra da quai presidiescha ella la European Media Management Association (EMMA) e cusseglia organisaziuns ed interpresas impurtantas.