Il comité directiv da la SSR sa cumpona dal directur general, dal directur operaziuns, dal directur dal sectur da finanzas e dals directurs da las quatter unitads d’interpresa RSI, RTR, RTS e SRF. 

Las incumbensas e cumpetenzas dal directur general e dal comité directiv èn fixadas en il reglament d’organisaziun da la SSR. Sco gremi da direcziun operativ suprem da l’entira interpresa elavura il comité directiv per mauns dal cussegl d’administraziun las strategias e coordinescha la realisaziun da quellas. El è responsabel sin il nivel da l’entira interpresa che l’incumbensa da program vegnia ademplida cun success ed a moda economica, el tracta tut las fatschentas impurtantas e procura cun agid da coordinaziuns e cunvegnas vicendaivlas che las acziuns da las singulas parts da l’interpresa e da la direcziun generala succedian en l’interess da l’entira interpresa.

Il comité directiv suttastat al directur general. Quel è responsabel per la gestiun da l’entira interpresa, per la direcziun generala dals programs e la realisaziun da las finamiras da l’interpresa. Il directur general creescha ils instruments necessaris per manar l’interpresa e procura che quels vegnian applitgads. Sch’il comité directiv na chatta betg in consens, decida el definitivamain en chaussa. 

da sanester a dretg: Roger de Weck, Marco Derighetti, Daniel Jorio, Dino Balestra, Mariano Tschuor, Gilles Marchand, Ruedi Matter, Walter Bachmann

Roger de Weck, directur general 

Marco Derighetti, directur operaziuns

Daniel Jorio, directur finanzas e controlling

Dino Balestra, directur Radiotelevisione svizzera

Mariano Tschuor, directur Radiotelevisiun Svizra Rumantscha

Gilles Marchand, directur Radio Télévision Suisse

Ruedi Matter, directur Schweizer Radio und Fernsehen

Walter Bachmann, secretari general