La radunanza da delegads è l’organ suprem da la SSR. Ella cumpiglia 41 persunas e sa cumpona sco suonda:

Autras persunas ch’èn vegnidas autorisadas da la societad regiunala pon substituir ils delegads. La durada d’uffizi importa quatter onns. La perioda d’uffizi actuala dura enfin la fin dal 2011. Il president da l’associaziun dal persunal che fa il contract collectiv da lavur (CCL) ed in deputà dal cader vegnan medemamain envidads a las sedutas.

Las cumpetenzas da la radunanza da delegads èn fixadas en ils statuts. Ultra da las fatschentas statutaras – che tutgan tenor il dretg da la societad anonima ad ina radunanza generala – accepta la radunanza da delegads sin proposta dal cussegl d’administraziun l’elecziun dal directur general, las propostas dal cussegl d’administraziun davart midadas da concessiun relevantas per la politica da las medias sco er il rapport annual davart la qualitad ed il service public da la SSR. La radunanza da delegads relascha il reglament d’indemnisaziun per ella e per il cussegl d’administraziun e po decider davart propostas al Cussegl federal en connex cun l’autezza da las taxas da recepziun. Ella fixescha l’assegnaziun annuala da meds a las societads regiunalas; quai ha ella fatg per l’emprima giada ils 30 da november 2010. Ella po assegnar dumondas d’examinaziun al service public e dumondas areguard la qualitad al cussegl d’administraziun; quel sto respunder entaifer sis mais a las dumondas. En pli prenda la radunanza da delegads enconuschientscha dal reglament d’organisaziun e da rapports davart la strategia e la realisaziun da la strategia. La radunanza da delegads sa raduna almain duas giadas ad onn.

Medienmitteilung zur Wahl von Raymond Loretan