SRG SSR

Charta da program

Charta da program

La SSR ha dapi ils 24 da favrer 2006 ina nova Charta da program. Ella è per uschè dir il tetg dal plaun constituziunal publicistic intern, ella prescriva las valurs che vegnan formuladas sin plaun operativ en las directivas da las unitads d’interpresa (vesair Radio e Televisiun). La Charta garantescha ch’ils programs da la SSR sa distinguan entras lur qualitad da cuntegn e furma. Ella contribuescha pia considerablamain a la creaziun da valur da la SSR sco interpresa da service public. La Charta vegn integrada en ils concepts da scolaziun e suttamessa mintg’onn a l’examen intern d’in gremi da collavuraturs da program manà dal chauredactur.

La Charta da program pretenda da s’orientar tenor standards etics e professiunals e da resguardar ils basegns dal public. Ella accentuescha l’independenza da la SSR e sia responsabladad envers la societad. La Charta pretenda da betg sa laschar corrumper e da vegnir il pli datiers pussaivel a la vardad. Ella accentuescha la funcziun da furmar l’opiniun che la SSR ha e numna las premissas necessarias. La Charta da program pretenda ultra da quai ch’ins saja pront da conceder sbagls e d’emprender dad els. Ed ella pretenda che la SSR rendia quint davart ses service public.

RSIRTRRTSSRFSWI