La Suisse Romande, Svizzera italiana e Svizra rumantscha na pon sin fundament dal dumber d'abitants betg offrir cun lur taxas da recepziun programs da radio e televisiun d'ina qualitad equivalenta. Perquai vegn resguardada l'idée suisse finanziala: tut las entradas da taxas e da reclama vegnan bittadas en la medema avnaun naziunala e repartidas a las unitads d'interpresa regiunalas tenor ina "furmla magica" fixada da la SSR. 

Grazia a quella gulivaziun da finanzas graduada survegnan las unitads d'interpresa Radio Télévision Suisse (RTS), Radiotelevisione svizzera (RSI) e Radiotelevisiun Svizra Rumantscha (RTR) ina cumpart surproporziunala dals meds per pudair porscher programs cumpetitivs en franzos, talian e rumantsch. Surtut tar la televisiun dominassan autramain ils emetturs da la Frantscha e da l'Italia che possedan bler dapli resursas la fiera da la Svizra romanda e dal Tessin.