Ils rapports da las debattas parlamentaras èn ina part integrala dals programs da radio e televisiun da la SRG SSR: els infurmeschan davart votaziuns federalas e chantunalas e promovan uschia la furmaziun da l'opiniun politica. Era las elecziuns da l'Assamblea federala e las elecziuns dal Cussegl federal emetta la SRG SSR adina en directa e las lascha commentar dad experts.

Per pussibilitar rapports regulars e directs or da la Chasa federala ha la SRG SSR endrizzà en il Center da medias da la Confederaziun in studio da televisiun e plirs studios da radio – l'uschenumnà Center da producziun Chasa federala.