SRG SSR

Zurich Film Festival

Zurich Film Festival

Dals 25 da settember fin ils 5 d'october 2014 ha lieu il 10avel Zurich Film Festival. Il ZFF porscha ina plattafurma per ils reschissurs novs ils pli empermettents da tut il mund. Il festival ha l'intent da promover il barat tranter reschissurs anc betg enconuschents, cineasts arrivads, l'industria da film ed il public. Mintg'atun preschenta il ZFF las pli bellas scuvertas ed ils films da l'onn ils pli bramads. Cun sias duas concurrenzas da lingua tudestga metta il ZFF in focus spezial sin la scena da film da la Germania, da l'Austria e da la Svizra.

Pacte de l'audiovisuel

Films èn ambassadurs da la diversitad culturala e linguistica. In'impurtanta pitga da la promoziun culturala è perquai la promoziun dal film da la SSR: l'onn 1996 ha ella creà ensemen cun partenaris da la branscha da film il Pacte de l’audiovisuel. Dal 1997 fin il 2013 ha la SSR investì stgars 300 milliuns francs en la promoziun dal film. Grazia al Pacte han pudì vegnir producids ils ultims 15 onns passa 2000 films da kino e da televisiun, dissegns animads, films curts e films documentars. Ils ultims 5 onns han ils programs da televisiun da la SSR coproducì 763 suandants films: 

Dapli sul Pacte de l'audiovisuel

Grond kino en il program da SSR

Durant l’entir onn, però particularmain durant il festival da films s’engaschan las unitads d’interpresa da la SSR cun in’entira retscha d’emissiuns davart reschissurs e lur ovra per il mund dal film. 

RSIRTRRTSSRFSWI