Directur RTR dapi il matg 2009, naschì il 1958, CH

Suenter engaschaments da teater a Hof en Baviera ed a Cuira e suenter in stage tar la «Bündner Zeitung» cumenza Mariano Tschuor il 1982 sco redactur tar il Radio Rumantsch. Il 1990 daventa el correspundent da Schweizer Fernsehen DRS a Cuira; a medem temp entschaiva el a moderar tar la Televisiun Rumantscha. Il 1993 va el a Turitg sco manader da redacziun SF da «Volkskultur». Il 2003 vegn el elegì sco manader da program da la Televisiun Rumantscha ed il 2006 daventa el schefredactur da RTR. En questa funcziun introducescha el il medem onn la convergenza tar RTR.

Mandats en cussegls d’administraziun ed auters mandats: Agentura da Novitads Rumantscha (ANR), fundaziun da medias CIVIS, commember da la Cumissiun per la communicaziun e las medias da la Conferenza dals uvestgs svizzers.