Pacte de l'audiovisuel
La SRG SSR dat ina gronda plattafurma al film svizzer: sco partenaria da medias s'engascha ella per festivals da film e promova numerusas atgnas producziuns e coproducziuns. Ultra da l'Uffizi federal da cultura è la SRG SSR la promotura la pli impurtanta da la cinematografia svizra.
La SRG SSR pussibilitescha ina producziun da film svizra independenta ch'il martgà na pudess betg finanziar en in pajas uschè pitschen sco la Svizra. Dapi il 1996 vegn quest engaschament fixà ensemen cun partenari:as da la branscha da film svizra en il Pacte de l'audiovisuel.
En il rom da la renovaziun dal Pacte de l’audiovisuel 2024 è il budget general vegnì auzà per 1,5 milliuns francs sin da nov 34 milliuns francs ad onn a partir dal schaner 2024. La SRG SSR reagescha uschia sin la chareschia ed ils custs creschents per la producziun da films (vesair era la Communicaziun a las medias dals 04-08-2023).
Dals 34 milliuns francs vegnan investids 20 milliuns francs en la televisiun e multimedia e 10 milliuns francs en kino, da quai 2 milliuns en l'animaziun. 4 milliuns èn reservads per premias da success (Succès Passage Antenne). Ditg concret èn quai var 80 films documentars, 35 films dramatics e 7 fin 8 serias da televisiun. Vitiers vegnan investiziuns en contracts da multimedia, contracts cun associaziuns per umans cun impediments da la vesida, contracts da svilup e films curts.
Cun la renovaziun dal Pacte de l’audiovisuel 2024 ha la SRG SSR acquistà dretgs per metter online pli ditg coproducziuns. Las determinaziuns dal Pacte includan ils emprims 18 mais, da quai ils emprims 6 mais exclusiv. Er en connex cun films da kino profitescha la SRG SSR da dretgs online per ina tariffa negoziada.
En il rom dal Pacte de l'audiovisuel ha la SRG SSR investì dapi il 1996 passa 400 milliuns francs en la cinematografia indigena. Il resultat da quest engaschi èn passa 3000 films e dapli che 20 serias. Quai correspunda a passa 140 coproducziuns ad onn.
Archiv Pacte de l'audiovisuel
L'experiment «Made to Measure»
Per l'experiment «Made to Measure» ha l'Austriaca Lisa revelà sias datas privatas da Google – quellas han dà in'invista intima en sia vita. Tge scuvra l'algoritmus da Vossa vita? Persequitai l'istorgia da Lisa e Voss'atgna.
L'experiment da datas artistic-investigativ «Made to Measure» dal collectiv d'artistas e d'artists Laokoon è l'emprova da reconstruir tschintg onns da vita e la persunalitad d'in uman – sulet cun agid da datas da Google.
Sin la pagina-web interactiva pon era las utilisadras ed ils utilisaders sa participar a l'experiment. Là daventais Vus sez:za part da l'experiment cun survegnir invista en parts da las datas e pudair gidar d'interpretar e d'analisar ellas.
Publicaziun: 2021
Inoltrar coproducziuns
Per survegnir meds dal Pacte de l'audiovisuel pon producents inoltrar lur dossiers a las redacziuns responsablas da SRF, RTS, RSI e RTR. Las redacziuns preschentan projects adattads a la gruppa d'experts naziunala che decida davart la concessiun dals meds.
Projects da multimedia prenda era directamain encunter la direcziun generala da la SSR.
Datas e contacts Pacte de l'audiovisuel
Termin d'inoltraziun
| films documentars, films e serias | |
|---|---|
| SRF documentars, films | adina |
| SRF serias | 15.04.2024 |
| tbd | |
| RTS | 30.01.2023 |
| 01.05.2023 | |
| 31.07.2023 | |
| 30.10.2023 | |
| RSI | adina |
| RTR | adina |
| films d'animaziun | ||
|---|---|---|
| termin d'inoltraziun | decisiun | |
| 20.12.2023 | Soloturn | 20.01.2024 |
| 18.03.2024 | 18.04.2024 | |
| 10.07.2024 | Locarno | 10.08.2024 |
| 07.10.2024 | 07.11.2024 |
Contacts
Direcziun generala
Sven Wälti (Manader dal Pacte de l'audiovisuel)
058 136 12 68
sven.waelti(at)srgssr.ch
Gregory Catella (Play Suisse)
058 136 12 59
gregory.catella(at)srgssr.ch
Benjamin Bobst (Datapacte, Succès passage antenne)
058 136 12 67
benjamin.bobst(at)srgssr.ch
Alina Corradi (Partenadi da medias)
058 136 12 64
alina.corradi(at)srgssr.ch
Redacziun SRF
Baptiste Planche (Program ficziunal)
058 135 03 53
baptiste.planche(at)srf.ch
Urs Augstburger (Films documentars)
058 135 03 49
urs.augstburger(at)srf.ch
Gabriela Bloch Steinmann (Animaziun)
058 135 03 41
gabriela.blochsteinmann(at)srf.ch
Redacziun RTS
Françoise Mayor (Program ficziunal)
058 236 95 77
francoise.mayor(at)rts.ch
Steven Artels (Films documentars)
058 236 76 76
steven.artels@rts.ch
Bettina Hofmann (Films documentars)
058 236 95 60
bettina.hofmann(at)rts.ch
Izabela Rieben (Animaziun)
058 236 84 29
izabela.rieben(at)rts.ch
Redacziun RSI
Alessandro Marcionni (Programs ficziunals e films documentars)
058 135 53 04
alessandro.marcionni(at)rsi.ch
Walter Bortolotti (Animaziun)
058 135 54 70
walter.bortolotti(at)rsi.ch
Redacziun RTR
Bertilla Giossi (Coproducziuns)
058 136 30 99
bertilla.giossi(at)rtr.ch
Actualisà l'ultima giada: mars 2024
