Solidaritad
Mitigiar la povradad e promover la participaziun sociala: nus ans demussain solidarics er en dumondas umanitaras.
Chadaina da Fortuna
Il 1946 avain nus fundà la Chadaina da Fortuna sco instrument umanitar da la SRG SSR per gidar umans en miseria. 25 ovras d'agid partenarias svizras realiseschan las acziuns operativas da la Chadaina da Fortuna. Ils daners da la Chadaina da Fortuna èn suttamess a trais controllas da finanzas e tutgan tar il chapital controllà il meglier en Svizra.
2x Nadal
2x Nadal è in'acziun da collecta caritativa en collavuraziun cun la Crusch Cotschna Svizra, la Posta e Coop. L'acziun appellescha a Svizras e Svizzers da far cun in pachet in plaschair a persunas dischavantagiadas en Svizra ed a l'exteriur.
Denk an mich
L'onn 1968 ha SRF constituì la Fundaziun Denk an mich. Cun dus fin trais milliuns francs ad onn pussibilitescha la fundaziun a passa 10'000 persunas cun in impediment da participar ad eveniments da vacanzas e da temp liber. Dapi sia fundaziun han passa 50 000 persunas, uniuns e firmas en Svizra fatg donaziuns en la valur totala da var 60 milliuns francs.
Mitenand
L'emissiun «mitenand» da SRF raquinta mintg'emna cun agid da curtas reportaschas da problems da sanadad, da la povradad sociala e da l'ambient en Svizra ed en pajais en svilup. Ils rapports mussan a maun d'umans pertutgads co che organisaziuns d'agid privatas reageschan sin questas sfidas.
Dapi l'entschatta 2005 stat «mitenand» sut il patrunadi da la SRG SSR e vegn emess era sin RTS («ensemble») e RSI («insieme»).
Actualisà l'ultima giada: december 2023