Larissa M. Bieler

Carriera professiunala

Larissa M. Bieler è creschida si a Panaduz. Il 2007 ha ella terminà il studi da linguistica, da management ed economia e da politologia a l'Universitad da Turitg. Suenter il studi ha Larissa M. Bieler lavurà al seminari da germanistica da l'Universitad da Turitg sco docenta e collavuratura da project. L'activitad sco linguista ha era manà ella a l'Institut da perscrutaziun scientifica CNRS a Paris.  Durant e suenter il studi ha ella lavurà blers onns sco schurnalista libra per medias localas e regiunalas. Il 2013 è Larissa M. Bieler daventada schefredactura dal «Bündner Tagblatt». Dapi il schaner 2016 è ella schefredactura da SWI swissinfo.ch, la plattafurma digitala en diesch linguas da la SRG SSR, e dapi l'october 2018 ha ella ina funcziun dubla sco schefredactura e directura da SWI swissinfo.ch. Dapi il fanadur 2022 è Larissa Bieler commembra da la direcziun da la SRG SSR. Suenter questa midada ha ella demissiunà sco schefredactura.

Mandats

SWISS TXT AG (commembra da suprastanza); Cumissiun federala da las medias (CUFEM) (commembra); cussegl da museum dal Museum naziunal svizzer (commembra); Fundaziun Cultura en il Waldhaus (cussegl da fundaziun); Public Media Alliance (commembra)